Son lentes progresivas deseñadas para unha actividade concreta. Están pensadas para optimizar non só os campos de visión senón tamén as posturas do usuario e como protección específica necesaria para esa actividade á que están destinadas.

Quizáis poidamos pensar que unhas lentes progresivas «convencionais» xa valen para ver a todas as distancias e polo tanto serven para realizar calquera tarefa, e é certo, pero con matices. Vexamos un exemplo que nos axude a entender a súa utilidade.

Pensemos nunha persoa que de vez en cando sale en bicicleta a dar un paseo por camiños ou carreteras con pouco tráfico: necesita unha bicicleta, un casco, algo de roupa deportiva e unhas zapatillas deportivas que lle permitan pedalear e camiñar.

Agora pensemos nun ciclista profesional que sae a adestrar todos os días durante varias horas e compite en carreiras; o seu equipamento cambia considerablemente respecto ao usuario esporádico: para mellorar o seu rendemento vai buscar alixeirar o peso ao máximo, así que tanto a bicicleta como o resto da equipación serán extremadamente lixeiras, o casco estará correctamente ventilado á vez que axudará a disminuir a resistencia ao vento, igual que os tecidos e deseños das súas roupas, e o calzado será especial, moi lixeiro e de sola moi ríxida e cun dispositivo para acoplarse aos pedales e optimizar o pedaleo.

O mesmo ocorre cas lentes progresivas «convencionais» e as ocupacionais. Coas primeiras podemos realizar calquera tarefa ao longo do día, aínda que se estamos 8 horas facendo un traballo específico probablemente terminaremos cansos e con certas molestias físicas; en cambio cas ocupacionais desempeñaremos esa tarefa específica durante máis tempo e máis comodamente, pero fora de ahí non veremos ben a algunha distancia.

Consideremos, pois, as lentes ocupacionais unha ferramenta máis do noso traballo. Con frecuencia, cando falamos de lentes ocupacionais tendemos a pensar en lentes específicas para traballar fronte ao ordenador, pero non son as únicas: hainas para conducir, para realizar deporte...